؛؛؛!||!؛؛؛ يضل الوطن قلعة ؛؛؛!||!؛؛؛

يضل الوطن قلعه

يضل الوطن قلعه لكل الاوطان

ويضل تاريخه من احلى الهويات

بحضاراته القديمه بابل واشور

تضل منبع علم واقدم حضارات

بتاريخه العراق تعرفه الناس

نزلت بي انواع الديانات

يا تاج العرب وهيبة الاوطان

تضل رايتك ما تعلاهه رايات

مزار اتضل تزورك كل الاطياف

وتلوذ بشيمتك يا ابو الثورات

يل ترابك مقدس لان مدفون

بي البطل حيدر ابو الحملات

وابو الاحرار بي مدفون بالطف

والكطعو جفوفه البطل عباس

ذوله سيوفهم ثبتت الدين

وماخلو الدين بيوم ينجاس

اهل بيت النبوه ووحي التنزيل

هذوله ترابهم لدوم ينباس

دشوف العاصمه شبيه من اعلام

ائيمة علم ينحطون عالراس

الهه الفخر من حضنت النعمان

هذا البلفقه والشرع نبراس

وكباله مناير كاظم الغيض

هذاك البيده يطي مراد للناس

وشوف شكد مقدس بيك التراب

لان متشرف بحضرة الكيلاني

هذا الورع والمعروف بالدين

يطوف بحضرته القاصي والداني

هذوله اعلامنه وانه الشرف بيهم

وشما وصفتهم يعجز الساني

هذا عراقنه ونه الفخر بي

نحبه وما نبدله بوطن ثاني

ولازم مانعوفه لوحده مجروح

ونخلي بجرحه يضل يعاني

دجيب ايدك وخلي نصير فد ايد

وخلي نضمد اجروحه بدينه

وخل نتحد كلنه وننسه الصار

وننسه الضيم ذاك المر علينه

ونحرر بلدنه من الستعمار

لان هوه سبب كل الصار بينه

وخل نبني الوطن كلحنه يا خوي

ونكل للناس تره احنه اجينه
تره احنه العراقيين اجينه



ويضل العراق مرفوع الراس


تحياتي الكم